E jingra Man hed e verdrissegi Sach ghäben. Nacht fer Nacht ischd ds Doggelli chun und hed im nid Rööw glaan, bis's taged hed.

Äis es Nachts isch'sch umhi chun; döö griifd er uber'd'Dechi und hed e Chatz i Fingren; är nimmd sa bim Hals uw wirggd sa, was er mag u-r-reerd sa uf e Soller üüsi.

Am Tag drüüf ischd es Wiib mid verbundnem Hals umhaggangen. Jetz hd er gwissd, was ne firn nes Doggeli drickd hed. Nid vergäben hed das Wiibelti geng Oige ghäben wee nes Salbedruckli!

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.