Äs ischd im Vernachte gsiin. Es paar Mäitleni sii vum Alpbach gäge-w-Willige ggangen. Änet dr Brigg häi s’uf dr Strass eppes Gfiirigs gseen. Döö gäid’s i d’Luft, fliigd uf enen Hüüsfirscht und hed üüf ung gäid gäge-r-Räin.

Si loiffen im naa; döö springd es alts Wiibelti gäge ds Schiirli; äs hed alts Hasligwand aghäben und uf em Grind en Haslihööd träägen. Aber bim Schiirli ischd neemmem mee gsiin, wäder Gfiirigs no Wiibli; ma bed geng gsäid, bin däm Schiirli siigi nid alls loibs.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.