Am Milistalden ischd en Hüüshaltig gsiin, wan e verdrissegi Sach mid dr Milch hed ghäben. We se sa häin über ds Für taan, hed se sa bbrochen.

Es Frowwelli hed ne graaten, we si üüfachemi, selle s' es Mässer nän und dri stächen und umha und anha howwen.

Si häin das gmachd.

In dr Nehi ischd es Wiibelli gsiin; das ischd es par Tag drüüf niimma under d'Liit chun. D'Milch hed's niimma bbrochen. Wa ds Wiibelli umhi virha ischd, hed's ds Hoit und d' Hend verbunde ghäben.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.