En Haslibärger hed z'Chreeg dinged und ischd gen Holland ggangen.

Nid lang derna hed d' Triihelchöö nummen no es Trepfelli Milch ggän und hätti doch no nid selten gaalti gaan.

Churz drüüf ischd vum Bööb Bricht chun, Dratt selli den d'Triihelchöö nid eppä dännä töön, är triihi de d'Milch vun arra.

Und jetz chunnd mer grad no eppäs anders z'Sin; das möös en dr o no sägen: We d'Chee im Üüstagen bim Üüslaan häin afam mälhen und i mid dr Milch bin häichun, hed d'Möötter de Dechel ab em Bräntli gnun und hed gsäid: „Botz, düü heschd eslengersi mee Milch. Düü heschd täich an enem Reemme zogen."

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.