A Tannen hed äina galped; där hed em Bööb ghäben; das ischd en Nool gsiin und derzöö en niidverfäända vergwenta Gali. Är hed e Pantler ghäben und ganz Taga mid däm ggoiggled ung gganggled.

Bim Virerfaaren hed dr Nool de Pantler vergässen. Döö ischd er emzrugg, är welli no äis mid dem Pantler gem machen. Aber är ischd nid emzrugg chun, und en Älper ischd ge löögen, was das siigi und ob's im eppes ggän häigi. Är hed neena niid funden; aber wan er ischd i d'Hitte chun, siim Bitza Fläisch vum Nool a-r-Räfen üüfghäichd gsiin.

Das hed dr Pantler gmachd ghäben.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.