No vor em Vernachten häi d'Älper ds Vee zen Hitte triben. Dr Handchnab hed zum Sammelbööb gsäid, är selli no bim Bockchänel ge d Chalbleni räihen. Aber dr Bööb ung d'Chalbleni häin nid welle chun.

Döö ischd en andra zwäg. Är hed dem Bööb funden; där hed gschnudred ung gschnipfd, ds Engschtlemmäitli häige-m-ma d' Chalbleni pliigd; si häige si gfeckd und taan wee verruckd, und ds Mäitli häig er o gseen; d'Feess häigi'ö zruggcheerd ghäben.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.