Im Grund wän es Mandelli gsiin, allem an es riichs. Wem Bättler sii chun, wan es Hutteli gfergged häin, hed's nen geng eppes dri taan, Chääs, Anken old eppes Gräikts. Äs hätti drii Mäitleni ghäben; aber dee siin nid dem Atten naagschlagen; utaani, weeschti Wiibervelcher sii s' gsiin, niidverfäänd Schlöönzi; derzöö hed se dr Giid fascht gfrässen; vum braven Alten üüsigarreti Chind! Wenn arm Liit sii chun, häi s' ne Stäina i d'Huttelleni taan. Dem Mandelli hed das unggnad taan; äs hed de drii Techtri verflööched, und drüüs siin dee drii Mäitleni worden: d'Schwarzeflöömäitli, ds Engschtlefrewwelli und ds Gowwliwiibli.

Melchior Sooder: Zelleni us em Haslital. Märchen, Sagen und Schwänke der Hasler aus mündlicher Überlieferung. Basel 1943.

Eingelesen von der Mutabor Märchenstiftung auf www.maerchenstiftung.ch.