D Frau B. her mer emol verzellt — si isch z Beckten uufgwachse —, si syg emol as Chind zäme mit Vatter und Mueter und im Brüeder Sissech zue, zmitts im Winter. Undereinisch het der Bueb gsait: «Do sy si jo no z Weid!» Wo sen gfrogt hai, macht er: «Gsajet-er die Chüe nit? Jetz gönge si an Brunne und tränke!» Es syge drei schwarz-gfläckti und drei roti gsi, und alli haige Gloggen agha, aber keini haig glütte. - Es gsajes halt nit alli.

Böckten

Quelle: P. Suter/E. Strübin, Baselbieter Sagen. Quellen und Forschungen zur Geschichte und Landeskunde des Kantons Basel, Band 14. Liestal 1976

Eingelesen von der Mutabor Märchenstiftung auf www.maerchenstiftung.ch.