بىر كۈنى پاقا كالىنىڭ بىر تال تۈكىنى تېپىۋالدى ۋە ئۈستۈنكى كالپۇكىغا چاپلىدى. ئارقىدىن ماڭا قاراڭلار ! مەن بۇگۈن بىر كالىنى يۇتۇۋەتتىم دەپ ۋارقىراشقا باشلىدى.

بۇنى ئاڭلىغان بارلىق ھايۋانلار پاقىنى ماختاشقا باشلىدى. پەقەت قۇشقاچلا  بېشىنى ئوڭ- سولغا تولغاپ،

پاقىغا  «سەن ئۆزەڭ بىر ياڭاقنىڭ چوڭلۇقىدا تۇرساڭ ،بىر كالىنى قانداقمۇ يۇتالايسەن؟

دەپ سورىدى.  

بۇنى ئاڭلىغان پاقا ئاچچىقلاپ: «ھە ، سەن ماڭا ئىشەنمەمسەن! ئۈستى

لەۋلىرىمدىكى كالىنىڭ تۈكىنى كۆرمىدىڭمۇ؟ دېدى.

 دەل شۇ ۋاقىتتا ، ئوتلاقتىن بىر كالا چىقتى، ئۇ بۇ يەردىن ئۆتۈپ كېتىۋاتاتتى.

بۇنى كۆرگەن قۇشقاچ پاقىغا-،  قارا : «مانا بىر كالا  كېلىۋاتىدۇ ، ئۇنداقتا سەن بىزگە ئۇ كالىنى يۇتالايدىغانلىقىڭنى ئىسپاتلا! دېدى.

پاقا: «بۈگۈن مەن بىر كالا يۇتۇۋەتتىم ،ھازىر  قورسىقىم ئاچمىدى. ئەمما ئەتە ، قورسىقىم ئاچقاندا مەن بۇ كالىنى يۇتۇۋېتىمەن دەپ تازا ماختىنىۋاتقاندا ئۇكالا پاقىنى پۇتى بىلەن دەسسىدى ۋە ئېزىۋەتتى.

قاتتىق قورقۇپ كېتىپ يېرىم ھوشىدىن كەتكەن پاقا ،بىر سەكرەپلا قاچتى ۋە ئۇنىڭدىن كېيىن ئەسلا بۇنداق ماختانچاقلىق قىلمىدى.

Mahtanchuq Paqa

Bir küni paqa kalining bir tal tükini tépiwaptu we üstünki kalpukigha chaplaydiken. Arqidin otkuqda sekrep yürüp: „Men bugün bir kalini yutuwettim dep warqirashqa bashlaptu.“
Buni anglighan barliq haywanlar paqini mahtashqa bashlaydiken. Peqet qushqachla  béshini ong- solgha tolghap, Paqigha  „Sen özeng bir yangaqning chongluqida tursang ,bir kalini qandaqmu yutalaysen?“ dep soraydiken.
Buni anglighan paqa achchiqlap: „He, sen manga ishenmemsen! Üsti Lewlirimdiki kalining tükini körmidingmu?“ Déydiken.
Del shu waqitta, bu yerdin otlaqtin  ötüp kétiwatghan bir kala chiqip qaldiken.
Buni körgen qushqach paqigha,  qarap: „Mana bir kala  kéliwatidu , undaqta sen bizge u kalini yutalaydighanliqingni ispatla!“ Déydiken.
Paqa: „Bügün men bir kala yutuwettim, hazir  qorsiqim achmidi. Emma ete, qorsiqim achqanda men bu kalini yutuwétimen“ dep taza mahtiniwatqanda u kala paqige yeqin kep qelip, yoghan puti bilen dessep eziwetgeni tas qaldiken.
Qattiq qorqup kétip, yérim hoshidin ketken paqa, bir sekrepla qachidiken we uningdin kéyin esla bundaq maxtanchaqliq qilghinni hishkim anglimaydiken.