Ä Gurtnäller häig wellä ga hirtä. Äs syg Karfryttig gsy, und wo-nn-er zum Gadä chu syg, häig »äis« zum-nä Tohli üssglüegt und häig Fläisch g'gässä. »Nu!« häig der Gurtnäller züe-n'm gsäit, »dü hesch etz Rächt, hittä-n-isch etz brezys d'r rächt Tagg fir zum Fläisch frässä!« Dises häig-ä-n-äso gschäuwet, und d'rnah häig's ä Stäi üffgläsä und häig-ä mit dä läärä Händä z'Mähl gmacht, und häig gsäit, wennd'r gwisst hätt, was äs wär (d.h. dass es ein Geist sei), sä hätt's-em's brezys äso gmacht wiä dem Stäi.

Peter Ant. Gamma, 50 Jahre alt, Alpknecht, von Göscheneralp

Quelle: Müller, Josef: Sagen aus Uri 1-3. Bd. 1-2 ed. Hanns Bächtold-Stäubli; Bd. 3 ed. Robert Wildhaber. Basel: G. Krebs, 1926, 1929, 1945

Eingelesen von der Mutabor Märchenstiftung auf www.maerchenstiftung.ch.